The Vigan Song

Vigan, Naidumduma a Lugar ti Amianan

(Vigan, a place like no other in the North)

-written and composed by Elpidio Lopez Palapala**

I

Umaykan gayyem ditoy siyudad ti Vigan/

Natalna ken napintas inda ap-apalan/

Uray sadino man lugar nga inka naggappuan/

Madadaan kami a makipagayam

II

Ditoy Vigan laeng ti inka pakakitaan/

kadaanan a balbalay napnuan pakasaritaan/

Ta isu dayta ti inna naglatakan/

Ditoy pagilian ken ti sangalubungan

Koro

Agkaykaysa tay ngarud ta intay saluadan/

Siyudad ti Vigan a kapipintasan/

Ta daytoy ket gameng a kapapatgan/

Nga intay ipatawid sumaruno a kaputotan

III

Adu met ti bannuar maitangsit iti Vigan

Da Apo Quirino kenni Diego Silang

Leona Florentino Mannaniw ti Kailokuan

ken Padre Burgos Martyr a kasingpetan

IV

Siyudad ti Amianan ken inka pakasarakan

Pagaramidan ti burnay ken abel ti kailokuan

Longganisa, empanada, naimas a makmakan

Ken tay kalesa napintas a pagluganan (Koro)

V

Ti Vigan laeng nabati a nagtaengan

Dagiti kastila immay ditoy pagilian

RUmbeng ngarud nga intay aywanan

Ta maipagtangsit uray sadino man (Koro)



...Nga intay ipatawid sumaruno a kaputotan

VIVA VIGAN!